काठमाडौं, २७ असार । साफ महिला यु-२० च्याम्पियनसिपमा नेपालले विजयी सुरुवात गरेको छ । बंगलादेशमा जारी च्याम्पियनसिपअन्तर्गत पहिलो खेलमा नेपालले भुटानलाई ६-१ गोल अन्तरले पराजित गरेको हो । नेपालको जितमा पूर्णिमा राईले ह्याट्रिक पूरा गरेकी छन् ।
उनले १८ औं, ५३ औं र ८३ औं र ८८ औं मिनेटमा गोल गरिन् । सोनु परियारले २ गोल गरिन् । भुटानका लागि केल्देन वाङ्मोले एक गोल फर्काइन् । ४ टोली सहभागी च्याम्पियनसिप डबल राउन्ड रोबिनका आधारमा हुनेछ । नेपालले दोस्रो खेल आइतबार बंगलादेशसंग खेल्नेछ ।
