काठमाडौं । संघीय संसदका तीन समितिको बैठक आज बस्दैछ । संसद सचिवालयका अनुसार तीनै समितिको बैठक सिंहदरबारस्थित समितिका कार्यालयमा बस्नेछन् । जसअनुसार राज्य व्यवस्था तथा सुशासन समितिको बैठक दिउँसो २ः३० बजेबाट सुरू हुनेछ ।
बैठकमा संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक,२०८० माथि कर्मचारी ट्रेडयुनियनसँग छलफल हुनेछ ।
विकास, आर्थिक मामिला तथा सुशासन समितिको बैठकमा भने खानेपानी, सरसफाइ र स्वच्छता सम्बन्धमा खानेपानी मन्त्रालयबाट भएका काम कारबाही र कार्यप्रगति र अगामी आर्थिक वर्षको बजेट र कार्यक्रम सम्बन्धमा मन्त्रालयको तयारीका बारेमा छलफल हुनेछ ।
बैठक बिहान ११ः०० बजेबाट सुरू हुने जनाइएको छ । साथै, विधायन व्यवस्थापन समितिका बैठक दिउँसो १ः०० बजेबाट सुरू हुनेछ । बैठकमा संविधान अनुसार बन्न बाँकी कानूनहरुको सम्बन्धमा प्रधानमन्त्री तथा मन्त्रिपरिषद्को कार्यालयसँग छलफल हुनेछ ।
