काठमाडौं । राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रविन्द्र मिश्रलाई सरकारी वकिलको कार्यालयमा उपस्थित गराइएको छ ।
शुक्रबार काठमाडौंको तीनकुनेमा भएको राजावादी आन्दोलनको तोडफोड, आगजनी र लुटपाटका घटनामा जिम्मेवार रहेको भन्दै उनी पक्राउ परेका थिए ।
आज उनलाई म्याद थपका लागि सरकारी वकिलको कार्यालयमा लगिएको हो । उनलाई हातमा हत्कडीसहित लगिएको छ ।
साथै राप्रपाका महामन्त्री धवल शमसेर राणालाई पनि सरकारी वकिलको कार्यालयमा लगिएको छ ।
उनीहरूविरुद्ध प्रहरीले संगठित अपराध, राज्यविरुद्धको कसुर र आपराधिक उपद्रको कसुरमा अनुसन्धान गर्न म्याद थपको अनुमति मागेको छ ।
