रवीन्द्र मिश्रको प्रस्ताव गैरसंवैधानिक ः आदिवासी जनजाति महासंघ

काठमाण्डौं, श्रावण १२
आदिवासी जनजाति महासंघले विवेकशील साझा पार्टीका अध्यक्ष रवीन्द्र मिश्रको दस्तावेज गैरसंवैधानिक र गैरराजनैतिक भएको टिप्पणी गरेको छ । महासंघका अध्यक्ष जगत बराममगरले प्रेस वक्तव्य जारी गर्दै संघीयता खारेज र धर्मनिरपेक्षता सम्बन्धी जनमतसंग्रह गर्नुपर्ने मिश्रको प्रस्ताव संवैधानिक हुन नसक्ने जनाउनुभएको छ । अध्यक्ष बरामले मिश्रको प्रस्तावप्रति ध्यानाकर्षण भएको भन्दै निन्दनीय भएको उल्लेख गर्नुभएको छ ।
विवेकशील साझाका अध्यक्ष मिश्रले सोमबार छलफल तथा बहसका लागि भन्दै ‘ मार्ग परिवर्तन र विचारभन्दा माथि देश ‘ शीर्षकको दस्तावेज सार्वजनिक गर्नुभएको थियो । प्रस्तावमा स्थानीय निकायलाई पुनसंरचना र सुदृढ गर्दै संघीयता खारेजी र धर्म निरपेक्षताबारे जनमत संग्रह गर्ने विषयलाई मुख्य रुपमा उल्लेख गरिएको छ ।