पाल्पा, माघ १९
पाल्पाको तानसेन नगरपालिका ४ का वडा अध्यक्ष राजेन्द्रमुनी शाक्यको निधन छ । शाक्यको उपचारका क्रममा सोमबार दिउँसो बुटवलस्थित गौतम बुद्ध सामुदायिक मुटु अस्पतालमा निधन भएको हो । केही समय अघि देखि शाक्यको मृगौला सम्बन्धी समस्या भएर उपचार भैरहेको थियो । स्थानीय तहको निर्वाचनमा नेपाली काँग्रेसबाट निर्वाचित ६० वर्षीय शाक्यको मंगलबार बौद्धपरम्परा अनुसार अन्त्येष्टि गरिने पारिवारिक स्रोतले जनाएको छ । २०१७ माघ २३ गते जन्मिएका शाक्यको १ छोरा र १ छोरी हुनुहुन्छ । मंगलबार बिहान तानसेन नगरपालिकामा श्रद्दाञ्जली सभाको कार्यक्रम राखिएको जनाइएको छ ।