पाल्पा, पौष १६,
४ दिनमा पाल्पामा ३८ जना कोरोना संक्रमित थपिएका छन् । स्वास्थ्य कार्यालय, पाल्पाका अनुसार १३, १४, १५ र १६ गते गरि ४ दिनको अवधीमा ३८ जना संक्रमित थपिएका हुन् । तानसेन नगरपालिकामा २३ जना, बगनासँकाली गाउँपालिकामा ५ जना, रैनादेबी छहरामा ४ जना, रम्भा मा ३ जना, रामपुरमा २ जना रिब्दीकोटमा १ जनामा संक्रमणको पुष्टि भएको हो ।
थपिएका ३८ जना संगै पाल्पामा संक्रमितको संख्या १८ सय ८ पुगेको छ । संक्रमित मध्ये १७ सय ७ जना निको भएका छन् भने पाल्पामा सक्रिय संक्रमितको संख्या ७१ रहेको छ । संक्रमण बाट ३० जनाको ज्यान गएको छ ।
