पाल्पा, मंशिर ३०
पाल्पामा मंगलबार बेलुकी भएको दुर्घटनामा ७ जना घाईते भएका छन् । बगनाँसकालीको राम्दीबाट सुनादीगाउँ जाँदै गरेको लु १ च ५४६५ नम्बरको पिकअप जिप दुर्घटना हुँदा चालक सहित ६ जना घाइते भएका हुन् । ब्रेक फेल भएर ब्याक हुँदा जिप सडक देखि झण्डै ५ सय मिटर तल खसेको प्रहरीले जनाएको छ । दुर्घटनामा घाइते भएका चालक रिब्दीकोट ४ का २७ बर्षिय बिनोद तिवारी, बगनासकाली ५ सुनादीका १८ बर्षिय मनिष भट्टराई, सोही स्थानका १९ बर्षिया दुर्गा भट्टराई, २२ बर्षिया दुर्गा भट्टराई , बर्ष २२ की भगवती भट्टराई र २३ बर्षिया मन्जु भट्टराई घाइते भएका छन् । घाइते ६ जनाकै तानसेन स्थित युनाईटेड मिशन अस्पतालमा उपचार भैरहेको छ । मंगलबार नै माथागढी ५ मा भएको टिप्पर दुर्घटनामा चालक माथागढी ५ का ३२ बर्षिय झमन सिं रेश्मी मगर गंभिर घाइते भएका छन् । प्रहरीका अनुसार माथागढी ५ बाट चुनढुङ्गा लिएर भैरहवाका लागि छुटेको लु १ क ३५३७ नँबरको टिप्पर अनियन्त्रित हुँदा सो दुर्घटना भएको हो । घाईते रेश्मीको देबदह मेडिकल कलेज, भैरहवामा उपचार भैरहेको ।
