पाल्पा, मंशिर २७,
नेपाल रेडक्रस सोसाइटी पाल्पा जिल्ला शाखाको स्वर्णमहोत्सव शाखाको सभा हल तानसेनमा सम्पन्न भएको छ । शनिबार सम्पन्न कार्यक्रमका प्रमुख अतिथि तानसेन नगरपालिकाका प्रमुख अशोक कुमार शाहीले रेडक्रसका कार्यहरु प्रभावकारी रहेको बताउनुभयो । कोरोना संक्रमणका समयमा समेत रेडक्रसको सकृय भूमिका रहेकोमा उहाले खुशि ब्यतm गर्नुभयो । प्रमुख अतिथि शाहीले स्मारिका बिमोचन संगै स्वर्णमहोत्सव लोगो समेत अनावरण गर्नुभएको थियो । कार्यक्रममा पूर्व सभापति पूर्ण मायाँ महर्जन ,पत्रकार महासंघको उपसभापति भरत शर्मा, विशिष्ट सदस्य शकुन्तला बज्राचार्य, सल्लाहकार मेघराज शर्माले रेडक्रस पाल्पा शाखाको सकारात्मक कार्यहरुको बारेमा चर्चा गर्नुभयो ।
कार्यक्रममा स्मारिका प्रकाशन समिति संयोजक एवं कोषाध्यक्ष भीमसेन कार्कीले स्मारीका सम्वन्धमा जानकारी गराउदै स्वागत मन्तव्य राख्नु भएको थियो । कार्यक्रम शाखा सभापति बुद्धि प्रसाद शर्माको सभापतित्व , धन्यवाद मन्तव्य उपसभापति कृष्णराज अधिकारी र संचालन मन्त्री केशव प्रसाद पौडेलको थियो । कार्यक्रममा पत्रकार, जिल्ला शाखाका पदाधिकारी, कार्यसमिति सदस्यहरु , सल्लाहकार , विशिष्ट सदस्यहरु , उपशाखा प्रतिनिधिहरु, शिक्षक नायकहरु, यूरेस, रेडक्रस कर्मचारीहरु तथा रेडक्रसकर्मीहरुको सहभागीता थियो ।
