पाल्पा, कार्तिक २८
पाल्पामा कोरोना संक्रमित थप एक पुरुषको ज्यान गएको छ । स्वास्थ्य कार्यालयका अनुसार संक्रमण बाट रिब्दीकोट गाउँपालिका २ का ७२ वर्षिय पुरुषको ज्यान गएको हो । होम आइसोलेशनमा ज्यान गुमाएका ति पुरुषको गत २५ गते कोरोना संक्रमणको पुष्टि भएको थियो । उनमा निमोनिया र उच्च रक्तचापको समेत समस्या थियो । शुक्रबार ज्यान गुमाएका पुरुष संगै संक्रमण बाट पाल्पामा ज्यान गुमाउनेको संख्या १४ पुगेको छ ।
स्वास्थ्य कार्यालय, पाल्पाका अनुसार शुक्रबार पाल्पामा थप १८ जनामा कोरोना सङक्रमणको पुष्टि भएको छ । तानसेन नगरपालिका तथा अस्पतालहरुमा १२ जना, निस्दी गाउँपालिकामा २, रैनादेबी छहरा गाउँपालिकामा २ जना, रामपुर नगरपालिकामा १ र माथागढी गाउँपालिकामा १ जनामा कोरोना संक्रमणको पुष्टि भएको हो । शुक्रबार थपिएका १८ संगै पाल्पामा संक्रमितको संख्या १३ सय ४४ पुगेको छ । संक्रमित मध्ये १ हजार ९४ जनाले कोरोना जितेर निको भएका छन् ।
ट्रेन्डिङ
ट्रेन्डिङ