पाल्पा, कार्तिक १५
पाल्पामा भएको मोटरसाईकल दुर्घटनामा एक जनाको ज्यान गएको छ । एक जना घाईते भएका छन् । दुर्घटनामा तानसेन १४ अर्गली, पाल्पाका ३९ बर्षिय हरी प्रसाद ज्ञवालीको ज्यान गएको जिल्ला प्रहरी कार्यालय,पाल्पाले जनाएको छ । घाइते ग्वादी गाउँपालिका ४ गुल्मीका ४३ बर्षिय अनिल ज्ञवाली उपचार पछि घर फर्किएका छन् । पाल्पा गुल्मी सडकको रिब्दीकोट गाउँपालिका ३ शिरुखर्कमा सो दुर्घटना भएको हो ।
पाल्पा बाट गुल्मीका लागि छुटेको लु १९ प ८१७५ नम्बरको मोटरसाईकल अनियन्त्रित भई सडकमा पल्टिएको हो । घाइते दुबै जनालाई उपचारका लागि तानसेन स्थित लुम्बिनी मेडिकल कलेज, लगिएपनि चालक ज्ञवालीको बाटोमै ज्यान गएको डाक्टरले जनाएको प्रहरीले बताएको हो ।
