माथागढीले गरिदियो बिपन्न ८२ घर परिवारको स्वास्थ्य बिमा

पाल्पा, असोज २९
पाल्पाको माथागढी गाउँपालिकाले सामाजिक स्वास्थ्य बीमाबाट बन्चित ८२ घरपरिवारको निशुल्क स्वास्थ्य बीमा गरिदिएको छ ।  पालिकाले आर्थिक अभावले बीमा गर्न नसकेका वडा नम्बर ७ रहबासका विपन्न परिवारको स्वास्थ्य बीमा गरिदिएको हो ।   पालिका भित्रका आठ वटै वडाका बिपन्न परिवारलाई निशुल्क बीमा गरिदिएको अध्यक्ष सन्तोष थापाले जानकारी दिनुभयो ।

विपन्न घरपरिवारलाई स्वास्थ्य सेवाको पहुँचमा ल्याउन यो कार्यक्रम संचालन भैरहेको उहाँको भनाई छ   ।    सामान्य रोग लाग्दा समेत ऋण खोजेर सदरमुकाम धाउनु पर्ने समस्याले सताइरहेका बेला गाउपालिकाले बिमा गरिदिएपछि आफूहरुलाई सजिलो भएको स्थानीय खेम बहादुर  वि.क. को  भनाई छ ।     ५ जना सम्मको परिवारले ३५ सय रुपैयाँको बीमा गरेपछि १ लाख सम्मको उपचार सेवा निशुल्क प्राप्त गर्नेछन् ।

यहाँ प्रकाशित कुनै समाचारमा तपाईंको गुनासो भए हामीलाई flashnepalnews@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।