पाल्पा, असोज १२,
पाल्पामा गोठले च्यापिएर एक जनाको ज्यान गएको छ । एक जना गंभिर घाइते भएका छन् । दुर्घटनामा रिब्दीकोट गाउँपालिका ७ डबकाका ५५ वर्षिय हरी लम्तरीको ज्यान गएको हो । घाइते ४८ वर्षिय अमर पेग्मिको तानसेन स्थित युनाईटेड मिशन अस्पतालमा उपचार भैरहेको छ ।
जिल्ला प्रहरी कार्यालय, पाल्पाका अनुसार स्थानीय पुतलि बिकको टिनले छाएको एक तले कच्चि गोठ मर्मत गर्ने क्रममा गोठको काठपात र ढुङ्गा माटो खस्दा काम गरिरहेकाहरुलाई च्यापेको हो । घटनामा भैसी, बाख्रा समेत पुरिएको प्रहरीले जनाएको छ ।
