काठमाण्डौं, भाद्र २
राष्ट्रकवि माधवप्रसाद घिमिरेको निधन भएको छ । मंगलबार साँझ ५ बजेर ५५ मिनेटमा १०१ बर्षको उमेरमा घरमै निधन भएको हो । उहाँको जन्म विं. स १९७६ असोज ७ गते लमजुङको पुस्तन गाउँमा भएको थियो । कवितासँगै साहित्यका अन्य विधामा पनि निकै अगाडि रहनुभएका घिमिरेले कविता, खण्डकाव्य, गीतिनाटक, कथा, अनुवाद, लेख, प्रबन्ध लगायतका क्षेत्रमा कलम चलाउनुभएको छ । तीमध्ये राष्ट्रकवि घिमिरेका गौरी शोक काव्य सबैभन्दा चर्चित छ । उहाँका ‘नवमञ्जरी’, ‘घामपानी’, ‘नयाँ नेपाल’ र ‘किन्नरकिन्नरी’ आदि कविता संग्रह प्रकाशित छन् ।
स्वच्छन्दतावादी भावधाराका कवि घिमिरेका ‘गाउँछ गीत नेपाली’ जस्ता कैयौँ राष्ट्रिय भावका गीत तथा कविताहरू निकै लोकप्रिय रहीरहेका छन् ।
ट्रेन्डिङ
ट्रेन्डिङ