पाल्पा, असार ८
पाल्पामा पहिरोले सवारी बगाउँदा २ जनाको ज्यान गएको छ । पाल्पा रिडि सडक खण्डको सम्मोबारी निर ४ सवारी साधन बगाएको हो । घटना स्थलमा दुई पुरुषको शब भेटिएको , एक गंभिर घाईतेको उद्धार गरी उपचारका लागी तानसेन स्थित मिसन अस्पताल लगिएको जिल्ला प्रहरी कार्यालय पाल्पाले जनाएको छ । प्रहरीका अनुसार सदरमुकाम तानसेन देखि ७ किलोमिटर रिडी–तानसेन सडक खण्डको सम्मोबारीमा पहिरो खस्दा एउटा ट्यांकर, बुलेरो जीप, मिनी ट्रक र एउटा कार बगाएको हो ।ति सवारी साधनमा कति मानिसहरु सवार थिए भन्ने यकिन जानकारी भएको छैन ।
अहिले घटनास्थलमा नेपाली सेना,सशस्त्र प्रहरी र नेपाल प्रहरी सहित उद्धारकर्मीहरु खटिएका छन् । डेढ सय मिटर लामो पहिरो हटाउने काम भइरहेको प्रहरीले जनाएको छ ।
