काठमाण्डौं, जेठ २६
नेपालमा कोरोना संक्रमण बाट ज्यान गुमाउनेको संख्या १४ पुगेको छ । पोखरा स्वास्थ्य विज्ञान प्रतिष्ठान पोखरामा आइसोलेशनमा राखिएका स्याङजा वालिङ नगरपालिकाका ६० वर्षका पुरुषको ज्यान गएपछि कोरोना संक्रमण बाट ज्यान गुमाउनेको संख्या १४ पुगेको हो । नेपालमा अहिलेसम्म ३४ सय ४८ जनामा कोरोना पुष्टि भएकोमा ४ सय ६७ जना उपचारपछि निको भएर घर फर्किएका छन् । अहिले पनि १ लाख ७० हजार ७ सय ३२ जना क्वारेन्टीनमा र २९ सय ६८ जना आइसोलेशनमा राखिएको स्वास्थ्य तथा जनसंख्या मन्त्रालयले जनाएको छ ।
