काठमाण्डौं, जेठ १७
जारी लकडाउन ३२ गते सम्म पुगेको छ । शनिबार बसेको मन्त्रीपरिषद बैठकले कोरोना भाइरस संक्रमणको जोखिम बाट जोगिन लकडाउन लम्ब्याउने निर्णय गरेको हो । बैठकले लकडाउनको मोडालिटी हेरफेर गर्न विज्ञहरुसँग परामर्श गर्ने समेत निर्णय गरेको छ । हवाई उडान र अन्तराष्ट्रिय सीमा नाकाको आवागमन असार १६ सम्म बन्द गर्ने समेत बैठकले निर्णय गरेको एक मन्त्रीले जानकारी दिनुभयो । बैठकले कोरोना संक्रमण फैलिएको आवश्यक ठाउँमा सेना परिचालन गर्ने निर्णय गरेको छ । मन्त्रिपरिषद् बैठक भन्दा अघि बसेको सुरक्षा परिषदको बैठकको सिफारिसका आधारमा सरकारले सेना परिचालन गर्ने निर्णय गरेको हो ।
