नेपालमा कोरोना संक्रमितको संख्या ५१६ पुग्यो

काठमाण्डौं, जेठ ९
नेपालमा कोरोना संक्रमितको संख्या ५१६ पुगेको छ । शुक्रबार बेलुकी सप्तरी, बारा, भक्तपुर र मकवानपुरका थप ९ जनामा संक्रमणको पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार बाराको सिमरनगढ नगरपालिकामा २२, २७, ३०, ३४, ३८ र ४५ वर्षका ६ जना पुरुष, सप्तरीको बलान बिहुल गाउँपालिकामा ३५ वर्षी पुरुष, भक्तपुरको भक्तपुर नगरपालिका ९ मा ४२ वर्षीया महिला र मकवानपुरको हेटौंडा उपमहानगरपालिका ३ मा ५४ वर्षीया महिलामा कोरोना संक्रमण भएको हो ।