काठमाण्डौं, बैशाख १०,
नेपालमा को*रोना संक्रमित ४२ पुगेका छन् । उदयपुरमा थप ११ जनामा को*रोना भाइरसको सङ्क्रमण पुष्टि भएपछि नेपालमा संक्रमितको संख्या ४२ पुगेका हुन् । काठमाण्डौको राष्ट्रिय जनस्वास्थ्य प्रयोगशालामा तीन जना र धरानको वीपी कोइराला स्वास्थ्य विज्ञान प्रतिष्ठानमा आठ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । उदयपुरको त्रियुगा नगरपालिका क्षेत्रका बासिन्दामा जाँच गर्दा को*रोना सङ्क्रमण पुष्टि भएको हो । उदयपुरमा मात्रै २४ जना सङ्क्रमित भेटिएका छन् । उदयपुरको त्रियुगा नगरपालिकाको मस्जिदमा बसेका १३ जनामा यसअघि को*रोना सङ्क्रमण देखिएपछि मस्जिद वरपरका मानिसको नमुना परीक्षण गर्दा सङ्क्रमण देखिएको हो । सङ्क्रमितमध्ये पाँच जना उपचारपछि निको भएर घर फकिएका छन् ।
