पाल्पा, बैशाख १५
टिप्परको ठक्कर बाट पाल्पामा मोटरसाईकल चालकको ज्यान गएको छ । दुर्घटनामा रैनादेबी छहरा गाउँपालिका ७ जुठापौवाका ४५ वर्षिय जग बहादुर बलाल मगरको ज्यान गएको जिल्ला प्रहरी कार्यालय, पाल्पाले जनाएको छ । तिनाँउ गाउँपालिका २ सिसखोलानिर शनिवार बेलुकी बलाल सवार लु १७ प १५२४ नम्बरको मोटरसाईकललाई लु २ ख ८७४ नम्बरको टिप्परले ठक्कर दिएको हो ।
मोटरसाईकलमा केरा लिएर बिक्रिको लागि बुटवल जाँदै गरेका बलालको टिप्परको ठक्कर बाट घटनास्थलमै ज्यान गएको हो । ठक्कर दिने टिप्पर र चालकलाई नियन्त्रणमा लिएर घटनाका बारेमा अनुसन्धान भैरहेको प्रहरीले जनाएको छ ।
