पाल्पा, भाद्र ११
पाल्पामा भएको मोटरसाईकल दुर्घटनामा चालकको ज्यान गएको छ । एक जना गंभिर घाईते भएका छन् । दुर्घटनामा सल्यानको कालीमाटी गाउँपालिका वडानम्बर २ का अन्दाजी ३० वर्षिय नरेश घर्ती मगरको ज्यान गएको हो । तानसेन तम्घास सडक खण्डको तानसेन १४ जोर्ते स्थित अर्गलीमा भएको दुर्घटनामा घाइते नवलपरासी सरावल गाउँपालिका १ का २८ वर्षिय प्रकाश थारूको तानसेन स्थित युनाईटेड मिशन अस्पतालमा उपचार भैरहेको जिल्ला प्रहरी कार्यालय, पाल्पाले जनाएको छ । घाइते थारु मोटरसाईकलको पछाडी बसेका थिए । गए राती साढे १ बजे तिर लु४२ प ६७०९ नम्बरको मोटरसाइकल सडकको भित्तामा ठोक्किएर दुर्घटना भएको हो । दुर्घटनाका बारेमा अनुसन्धान भैरहेको प्रहरीको भनाई छ ।
