र्याफ्टिङ्का क्रममा बेपक्ता ७ जनाकै उद्धार

पाल्पा, असार २
पाल्पाको रानीमहल नजिकै कालीगण्डकी नदीमा र्याफ्टिङ्का क्रममा बेपक्ता भएका ७ जनाकै उद्धार भएको छ । बिहीबार साँझ पौने ७ बजेतिर र्याफ्टिङ् गर्ने क्रममा डुङ्गा पल्टिएर बेपत्ता भएका सात जना भारतीय नागरिकको उद्धार भएको जिल्ला प्रहरी कार्यालय, पाल्पाले जनाएको छ ।

रानीमहलको सुरक्षार्थ खटिएका प्रहरी र डुङ्गा चालकको सहयोगमा नदीमा बेपत्ता भएका सबैको सकुशल उद्दार भएको हो । उनीहरुलाई रानीमहलदेखि डेढ किलोमिटर तलबाट उद्दार गरिएको हो । बेपक्ता सबैले सेफ्टी ज्याकेट लगाएका कारण सकुशल उद्दार भएको प्रहरीले जनाएको छ ।

यहाँ प्रकाशित कुनै समाचारमा तपाईंको गुनासो भए हामीलाई flashnepalnews@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।