सिद्धबाबामा पहिरोले गाडी पुर्दा सहचालकको ज्यान गयो, चालक घाइते

पाल्पा, श्रावण १८
पाल्पा बुटवल सडकको माथिल्लो सिद्धबाबा मन्दिरनिर भएको दुर्घटनामा सहचालकको ज्यान गएको छ । चालक घाईते भएका छन् । दुर्घटनामा वालिङ्ग नगरपालिका ११, स्याङ्जाका २३ वर्षिय आशिष खाँडको ज्यान गएको हो । उपचारका क्रममा प्रादेशिक अस्पताल बुटवलमा आशिषको ज्यान गएको जिल्ला प्रहरी कार्यालय, पाल्पाले जनाएको छ । चालक चापाकोट नगरपालिका ५ स्याङ्जाका २६ वर्षिय डिलु थापा घाईते भएका छन् । उनको प्रादेशिक अस्पताल बुटवलमा उपचार भैरहेको छ ।

स्याङ्जाबाट बुटवलका लागी छुटेको लु २ च ७३८७ नम्बरको बोलेरा जिपलाई माथि बाट झरेको पहिरोले पुरेको हो । पहिरो खसेपछि केहीबेर अवरूद्ध भएको सडक पुनः सञ्चालनमा आएको छ ।

यहाँ प्रकाशित कुनै समाचारमा तपाईंको गुनासो भए हामीलाई flashnepalnews@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।