पाल्पामा भएको टिप्पर दुर्घटनामा चालकको ज्यान गयो

पाल्पामा भएको टिप्पर दुर्घटनामा चालकको ज्यान गएको छ । दुर्घटनामा पूर्बखोला ५ बिरकोट, पाल्पाका ३० वर्षिय सुदिप गैरेको ज्यान गएको जिल्ला प्रहरी कार्यालय, पाल्पाले जनाएको छ । पाल्पा बाट ढुङ्गा लिएर बुटवलका लागी छुटेको लु २ ख ८२० नम्बरको टिप्पर पाल्पा बुटवल सडकको कालीमाटीमा दुर्घटनामा परेको हो । टिप्परमा चालक मात्रै रहेको जानकारी दिदै घटनाको बारेमा अनुसन्धान भैरहेको प्रहरीले जनाएको छ ।

यहाँ प्रकाशित कुनै समाचारमा तपाईंको गुनासो भए हामीलाई flashnepalnews@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।