पाल्पा, चैत्र १,
कमेडी च्याम्पियनको उपाधी हिमेश पन्तले हात पार्नुभएको छ । शनिबार काठमाण्डौंमा सम्पन्न ग्रान्ड फिनालेमा धेरैभोटका आधारमा बिजयी पन्तले २५ लाख नगद र कार उपहार हात पार्नुभएको हो । कमेडीको अन्तिम प्रतिस्पर्धामा वरिष्ठ हास्य कलाकार हरिवंश आचार्यले धादिङका हिमेशलाई विजेता घोषणा गर्नुभएको हो ।हिमेश संगै अन्तिम प्रतिस्पर्धामा सुमन कोइराला र खड्गबहादुर पुनमगर रहेका थिए ।
विशाल भण्डारीको निर्देशन र निर्माण गरेको कमेडी च्याम्पियनको निर्णायकमा बरिष्ठ हास्यकलाकार सन्तोष पन्त, मनोज गजुरेल, प्रदीप भट्टराई र ऋचा शर्मा रहेका थिए । कमेडी च्याम्पियनको पहिलो कार्यक्रम सकिएपनि फेरी दोस्रो कार्यक्रम संचालन गरिने कार्यक्रमका निर्माता र निर्देशक समेत रहनुभएका भण्डारीले जानकारी दिनुभएको छ ।
